Julius Rocas

1,000 tagapakinig

without comments

Isang libong estudyante. Ito ang mga sal­i­tang kanina pa nasa isip ko. Puma­sok ito sa aking isipan mat­a­pos kong mala­man na ito ang posi­bleng bilang ng mga taga­pakinig sa Lasal­lian Forum sa darat­ing na Lasal­lian Fes­ti­val na gaganapin sa Jan 23, 2008. Ako ay isa sa mga taga­pagsalita sa forum na ito. Ang halos isang libong estudyante na binang­git ko ang makikinig sa akin!

Sanay na akong magsalita sa harap ng mga maram­ing tao, bata man o matanda, mas maram­ing napa­gar­alan sa akin o hindi. Pero ngayon lang talaga na 1,000 ang makikinig sa akin. Sa Ugnayang La Salle pa gaganapin kaya kakaiba ang kaba at takot na nararam­daman ko.

Magkaka­mali kaya ako? Mag­bubuhol ang dila? Magkakalat na lang dun sa harap nila? Ilan lang ito sa mga bagay na bum­abagabag sa akin.

Isa pa sa mga lalong nag­pa­p­ataas ng aking kaba at pangamba ay ang pak­sang napunta sa akin. Tungkol ito sa 'Bokasyon ng Pagig­ing Kabataang Lasalyano.' Ubod ng hirap hindi ba?

May prob­lema ako sa paksa dahil parang hindi tugma na ang pagig­ing Kabataang Lasalyano ay isang bokasyon. Paano ko ito nasabi?

Sa Jan­u­ary 23 ko sasabi­hin ang sagot. Dahil ito ang magig­ing buod ng aking pananalita sa nat­u­rang forum. Sana ay may mapu­lot na kapakipak­in­a­bang ang mga makikinig at hindi ako awayin ng mga taga ULFO na syang nag­im­bita sa akin bilang tagapagsalita.

Medyo bitin at magulo diba? Sa susunod, ikuk­wento ko ng mas maayos ang mga bagay-​bagay tungkol dito.

Kaya kailangan ng malupet na concept paper

with one comment

Kakagaling ko lang sa isang mahaba, madugo at nakaka­pagod na meet­ing. Kasama ko dito ang ilan sa mga Col­lege Stu­dent Coun­cil ng iba't-ibang kole­hiyo sa DLSUD at ang mala­pit naming stu­dent orga­ni­za­tion, ang Gen­shiken. Pinag-​usapan namin kanina ang kon­sep­tong papel ng kani­lang 'pet project' na G-Ken. Isang anime con­ven­tion na may envi­ron­men­tal aware­ness bilang tema.

Kung hindi kami nagkaka­mali, ito, kapag nat­u­loy ay ang kauna-​unahang anime con­ven­tion na may makaka­likasang tema sa Pilip­inas. Astig diba?! hehehehe

Pero, sa ngayon, hindi ko alam kung magig­ing kato­to­hanan ba ang proyek­tong ito, o man­ana­natili na lamang na isang ideya o kon­septo dahil sa kinal­abasan ng pag­pupu­long kanina, madami pang bagay ang dapat gawin ng Gen­shiken. Hindi pa ito ang mis­mong pagha­handa para sa G-Ken, bagkos, ito ay para mapa-​aprubahan muna ang kani­lang 'project proposal.'

Para magawa ito, kailan­gan ng malu­pet na con­cept paper na syang kailan­gan para:

• ma-​aprubahan ang proyekto
• makakuha ng mga sponsor
• pumayag ang Admin ng DLSUD sa proyek­tong ito

Bakit kailan­gan ng malu­pet na kon­sep­tong papel? Shempre, dahil hindi biro ang laki at saklaw ng proyekto, kailan­gang mabi­gyan ng mali­naw at tamang pan­gan­gatwiran kung bakit dapat isagawa ang proyekto. Ito ang pan­gu­nahing gamit ng kon­sep­tong papel. Nang sa ganoon, ay makamit ang mga nabang­git na bagay sa itaas at mabi­gyang katu­paran ang proyekto.

Dahil ang kon­sep­tong papel, at hindi ang mga miyem­bro Gen­shiken ang mag­tatang­gol sa proyekto. Ang kon­sep­tong papel ang magsasabi sa kahit sino man, lalo na sa mga tao o grupong may kinala­man o may maitu­tu­long sa proyekto ang mga dahi­lan kung bakit kailan­gan o makak­abuti na sila ay tumu­long nga sa pag­pa­p­atu­pad ng proyek­tong ito.

Ang kon­sep­tong papel din ang magig­ing susi para makakuha ng mga spon­sor, part­ners atbp para sa proyekto. At kapag malu­pet ang pagkaka­su­lat ng kon­sep­tong papel, mahi­nang mahina ang tsansa na ang proyekto ay hindi maisakatuparan.

Pero sa nang­yari sa pulong kanina ay kailan­gan pa tala­gang ayusin ang kon­sep­tong papel ng G-Ken. May mga bagay na kulang, mahina, malabo at hindi makakat­u­long para sa proyekto. Sana lang ay maayos ito bago dumat­ing ang Huwebes, dahil ito na ang huling araw ng pag­susum­ite ng mga project pro­pos­als dito sa aming pamantasan.

Good luck sa Genshiken!

Kamusta ang unang linggo ng 2nd sem?

without comments

Natapos na din ang 1st week ng 2nd sem. Sige, kala­hati lang ng isang linggo ng 2nd sem.

Nakaka­pani­bago ng konti, iba kasi ang araw ng u-break kaya kaning Biy­ernes ay halos walang tao sa campus. Maaga atang naguwian ang mga estudyante sa DLSUD.

Sa totoo lang, boring!! Maaga dumat­ing ang week­end kaya ang mga naging abala lang talaga ay yung mga estudyan­teng may kin­abibi­lan­gang organisasyon.

Yung iba, umuwi, gumala o hindi na talaga pumasok.

Ano naman kaya ang mapa­pala ng paman­tasan sa gani­tong bagong ayos ng schedule?

Bakit pa kasi inili­pat ang u-break sa Biyernes?!

-----

Kat­u­lad ng dati, wala halos pinagkaiba ang sem-​break (kung maitu­tur­ing mong sem-​break ang araw-​araw kang nasa school) at ang 2nd sem. Mas marami pa ring oras ang naigu­gol ko sa USC office kumpara sa klasroom.

Tsk tsk tsk, masamang panig­tain ito. Pero 'under­stand­able' naman dahil kakasim­ula pa lang ng 2nd sem kaya ang unang ling­gong ito ay "adjust­ment period" para sa lahat.

Pero shempre, pag­dat­ing ng susunod na linggo, balik na sa normal na buhay estudyante, medyo accel­er­ated mode nga lang dahil maiksi talaga ang 2nd sem. Tapos, isas­ama mo pa sa oras mo ang mga gawain at activ­i­ties sa pamantasan.

Wastong paggamit sa oras at disi­plina sa sarili ang tunay na kailangan.

Oh may Gus! Sana lang ay maging matino ang grades ko ngay­ong 2nd sem.

-----

Nakaka­pagod man, ayos lang din. Dahil sa nakali­pas na 3 araw, marami at mak­ab­u­luhan naman ang aking mga pinaggagawa.

Sin­im­u­lan namin ang huling preparasyon para sa nalalapit na Stu­dents' Con­sti­tu­tional Con­ven­tion. Astig talaga ang Gen­shiken dahil sa kani­lang angk­ing tal­ento, kakuli­tan at kahusayan sa pag­guhit ay nagig­ing mati­wasay at suwabe ang mga plano ng USC para sa Con-​Con.

Mabuhay ang Genshi-​CON!!

Bukod sa pag-​papatuloy ng mga plano para sa Con-​Con, tuloy pa rin ang ser­bisyo para sa mga kapwa estudyante par­tiku­lar ang pag­tatang­gol sa kani­lang mga kara­p­atan at kapakanan.

Nito lang ay may 2 kaso ang hinawakan ng USC.

Ang una ay ang pag­pepetisyon ng mga 4th yr Civil Engi­neer­ing para mabuk­san ang isang maha­la­gang sub­ject na kailan­gan nila para makat­a­pos sila sa oras.

Tumu­tol kasi ang kani­lang admin­istrador kaya hayun, lumi­ham sila sa VCAR at dalang­ing pab­o­ran sila.

Sunod naman ang isang kaso sa pag­i­tan ng isang estudyante ng CBA at ang SWaFO. Tungkol ito sa pag­pa­pahi­ram ng stu­dent ID mo sa iba at katum­bas nito ang isang major offense.

Pero kakaiba ang kasong ito dahil medyo kom­p­likado ang storya at ang intere­sante dito, lumal­abas mula sa aming imbesti­gasyon na ang kina­suhan ng SWaFO ay pawang bik­tima lamang ng mga pangya­yari. Dahil dito, panatag ako na malaki ang pag-​asa na gumaan ang parusa o tuluyang mapa-​walang sala ang estudyan­teng ito.

Sa Novem­ber 13 na nga ang hear­ing kaya good luck sa amin!

Oo nga pala, pwede nang i-download ang Chap­ter 1 ng Con-​Con manga "Con-​Con The Begin­ning" sa blog ng USC.

Supor­ta­han natin ang Con-​COn!!!