Entries Tagged 'Daily Dose' ↓

Halos tatlong linggo na ang mga tuta ng aso naming si Chuchay. At ngayon, ang limang cute na tuta ay lalong nagiging cute, pero higit doon, lalo silang lumalakit at tumataba.

Ang isa nga sa kanila ay ubod ng laki, “Dagul” ang bansag namin sa kanya. Siya yung maputi ang buong katawan maliban lang sa nag-iisang tuldok ng brown na buhok sa puno ng kanyang buntot.

Ilang linggo pa at tiyak akong makakapaglakad na sila, makakatahol kahit maliliit ang kanilang mga boses at lalo silang magiging cute.

Kagabi sa aking paguwi, may isang magandang balita ang sumalubong sa akin.

Nanganak na pala ang aming alagang Shitzu na si Chuchay! Limang malulusog at cute na tuta ang kanyang mga naging supling. Nakakatuwa dahil ito ang kanyang unang beses ng panganganak at ligtas naman siya at ang kanyang mga tuta.

Magiging maingay, makulit at masaya na naman dito sa bahay dahil nadagdagan na ang aming mga alaga. Ibig sabihin mga bagong kwento at litrato ang darating.

Tama ang nabasa nyo sa itaas. Balik blogging na daw si Shari sa Misteryosa.com. Wohoo!

Kay tagal ding natengga ang award-winning Misteryosa.com, salamat at magbabalik na si Shari, bihira na rin kasi akong mag-gala sa Multiply.

Ang sunod na tanong naman ay kailan kaya ako magiging regular na makakapagsulat o blog dito?

Ang lupet talaga ni JV Casio. Salamat sa kanyang kahusayan sa basketball, nanalo ang La Salle Green Archers sa laban nila ng FEU Tamaraws noong makailan lang.

Kailan naman kaya nila matatalo at makakaganti sa Ateneo Blue Eagles? Exciting talaga ang UAAP.

Mabalik naman ako sa penalty na ibinigay ng mga opisyales noong nakaraang laro sa La Salle dahilan sa hindi pagsuot ni Coach Franz Pumaren ng kanyang opisyal na UAAP ID noong una nilang laban sa Ateneo Blue Eagles nang nagbukas ang UAAP Season 71.

Apila ng Green Archers na hindi patas at, ayon sa isang sulat ng La Salle sa UAAP board, “unjustly penalized” ang nangyari sa kanila dahil noong pagbubukas ng UAAP, hindi rin nagsuot ng ID si Coach Pido Jarencio ng UST pero hindi naman siya pinarusahan dahil dito.

Ang pakiramdam tuloy ng La Salle ay parang pinag-initan sila ng mga opisyales ng UAAP ng mga oras na iyon.

Ang tugon naman ng UP na siyang host ng UAAP ngayon ay ang pagsabi na magkakaroon na ng “consistent application of rules” sa mga susunod na laro.
Continue reading →

Hindi ko napanood ang unang sagupaan ng Ateneo at De La Salle sa UAAp. Pero narito ang deretsahang ulat tungkol sa kanilang unang laban:

Ateneo defeats La Salle, 79-73

Ateneo de Manila University defeats De La Salle University , 79-73, at the UAAP games Sunday.

Wohoo! Hehehe, Sino kaya ang magiging kampyon ngayon? Masyado pang maaga pero mukhang malakas talaga ang tsansa na Ateneo ang magkakamit ng korona ngayong taon.

Abangan na lang natin ang mga susunod na laban…