Julius Rocas » kwentong-buhay

Rocas hindi Rogas

jhay — Thu, 06 Oct 2011 11:42:01 +0000

Kanina, ipinaayos ko sa SSS Tagaytay City branch ang maling baybay o spelling ng aking apelyido.

Sa halip na ROCAS ay ROGAS ang nailagay nila sa aking mga tala kaya hindi ako makakuha ng SSS ID at makapag-enrol sa SSS online.

Sinabi sa akin na gagawin nilang "priority case" ang pagtatama ng aking tala at maaari ko nang balikan sa susunod na linggo.

Sana lang ay tuparin nila ang kanilang sinabi. Pero dahil ito ay ahensya ng gobyerno, hindi ako lubusang umaasa na matutupad nga nila.

Random posts

Hindi nakasasapat ang pera

jhay — Mon, 19 Sep 2011 03:25:47 +0000

Dalawa ang kahulugan nito:

1) literal na hindi nakasasapat ang pera sa mga pangangailangan mo.

2) Hindi nakasasapat ang pera, gaano man ito kalaki, para masabing masaya ka sa ginagawa mo.

Kapag sinabi namang masaya sa ginagawa mo, maraming pwedeng maging dahilan.

Kung sa trabaho, ayaw mo sa mga katrabaho mo. O kaya ayaw mo sa mga boss mo, o ayaw mo sa kultura at kalagayan ng iyong trabaho o lahat nang ito.

At dahil dito, kahit pa maganda o sapat ang iyong kita, maayos ang iyong mga katrabaho, hindi ka magdadalawang-isip na umalis at lumipat ng ibang trabaho.

Sadyang ganito talaga kapag nasa bansa ka na limitado ang mga pagpipilian, lalo't ang mga natitirang pagpipilian ay hindi tugma sa pagkatao, pinag-aralan, o gusto mong gawin.

Hindi kalayaan ang iyong hinahanap, kung hindi kaginhawaan.

Nasaan na ang pinagmamalaking 7.3 economic growth ni GMA?

Magsusulat muli

jhay — Sat, 03 Sep 2011 15:08:51 +0000

55 araw na pala ang nakalipas nang huli akong nakapagsulat dito. O kahit sa mga iba kong blog. Pero heto na muli at nagbabalik.

Pero maiksing mga kataga muna...

Random posts

Chicks for sale tuwing fiesta

jhay — Thu, 03 Feb 2011 05:49:53 +0000

Matagal nang uso ito tuwing may fiesta, halos kahit saang bayan dito sa Pilipinas. Tradisyon na ata ito, pero kahapon ko lang napag-isipan, bakit nga ba umuuso ang pagbebenta at pagbili ng mga makukulay na sisiw tuwing may fiesta?

Tuwang-tuwa ang mga bata sa mga sisiw na ito. Nag-uubos pa sila ng pera para lamang magkaroon nito. Narinig ko lamang sa iba na hindi mainam ang mga sisiw na ito para alagaan at gawing pagkain sa bandang huli. Kumbaga, mga "reject" daw ito sa mga poultry farms. Kaya siguro ibinibenta na lamang tuwing fiesta.

Pero kung "reject" ang mga ito sa mga poultry farms, bakit naman sila na-'reject'?

Random posts

At maligalig si Julia tuwing gabi

jhay — Sun, 02 Jan 2011 15:04:57 +0000

Mula noong sinalubong namin ang bagong taon, masyado nang ginagabi ang tulog ng anak kong si Julia. Dati, alas-otso pa lang ay tulog na sya. Kapag lumampas sa oras na iyon ay tinotoyo na siya at hirap na kami sa pagpapatulog sa kanya.

Ngayon lang, alas-onse (11:00pm) na s'ya nakatulog ng tuluyan. Bago iyon, gising na gising at akala mo ba'y umaga na sa kanyang palagay kaya ganoon na lang ang kanyang pagiging masigla at kakulitan.

Nakikipaglaro pa siya sa amin ng kanyang ina na siya namang nagpapakaba sa amin dahil kapag nasobrahan siya ng pakikipaglaro sa gabi, tiyak na totoyo-in muli at pare-pareho kaming mahihirapan.

Siguro ay nagbabago ang kanyang oras ng pagtulog o kaya naman ay may hang-over pa sya ng bagong taon. O kaya ay totoo 'yung pamahiin na kung ano ang nangyari sa pagsalubong mo sa bagong taon ay magiging ganoon ka sa buong taon.

Kung maligalig si Julia noong sinalubong namin ang bagon taon, buong taon kaya ng 2011 ay maligalig sya tuwing gabi bago matulog?

Random posts

Buwiset na Globe Broadband

jhay — Fri, 08 Oct 2010 16:00:22 +0000

Kaninang madaling araw, habang nagmamadali akong gumawa ng PowerPoint presentation para sa isang seminar, nawalan ng koneksyon ang Globe Broadband ko.

Nakakainis talaga. Kung kailan kailngang-kailangan mo, saka nawawala. Buti na lang may Globe Tattoo at tumino ang 3G signal sa aming lugar kya napagtyagaan ko na kahit papaano.

Mabilis naman sya, umaabot ng 1Mbps ang koneksyon. Pero nadidisconnect pa rin kada 1 oras. Nakakainis pero buti na lang nakapag unlisurf ako.

Alas-4 na ng umaga nang natapos kong gawin ang slideshow. Tila ba sinasadya ng Globe na buwisiten ako dahil kung kailan tapos na ako gumawa ng presentasyon, saka bumalik ang koneksyon ng broadband.

Salamat Globe broadband. Buwiset!

Babalik na ang Batibot sa TV5

jhay — Sat, 27 Mar 2010 04:07:35 +0000

Humahataw talaga ang TV5 ngayon. Bukod sa pagdagsa ng mga batikang artista na pinabayaan ng mga GMA 7 at ABS-CBN Channel 2 sa istasyong ito, may ilang mga palabas na sadyang nakakahuli sa interes ng mga manonood.

Pursigido kasi si Manuel V. Pangilinan na palaguin ang istasyong ito at maging Numero Uno sa buong bansa. Ang dagdag na 5 bilyong pisong pamumuhunan o investment ay senyales na seryoso talaga siya.

Ang magandang bunga nito, may alternatibo na sa GMA 7 at ABS-CBN na minsan naman talaga'y nakakasawa na at nakakainis lang ang kompetisyon nilang dalawa.

Pero ang pinaka-ikinatutuwa ko sa balitang ito ay ibabalik daw ng TV5 ang paborito kong programa sa telebisyon noong nasa elementarya pa lang ako, ang walang kaparis na "Batibot".

Nagsimula ito noong 1984 bilang Sesame! o Filipinong bersyon ng "The Sesame Street" na sikat noon sa Amerika. Hanggang sa naging 100% Filipino ito sa wika at laman at tawaging "Batibot" na ang ibig sabihin ay "small, but strong and robust" o maliit ngunit malakas at matikas.

Hindi malilimutan ang mga karakter sa Batibot, lalo na sina Pong Pagong at Kiko Matsing. Ang mga kwento ni Kuya Bodjie na talagang inaabangan tuwing umaga.

At shempre, hinding-hindi malilimutan ang panimulang kanta ng Batibot na siyang kinakanta ng lahat ng bata sa bansa tuwing umaga:

Ito at "Ang Huling El Bimbo" ng Eraserheads ang kabilang sa mga kantang hinding-hindi ko malilimutan.

Sana ngayong bakasyon maibalik ng TV5 ang Batibot para kahit papaano ay mapanood ko ito at makita kung anong pagbabago ang ginawa nila dito. Sana bumalik ang mga orihinal na puppet at mga karakter lalo na si Kuya Bodjie. At sana tumagal ito sa ere hanggang sa magkaroon ng muwang ang aking anak para mapanood niya rin ito.

Tayo na sa Batibot!

Random posts

Nakasama ang original barkada

jhay — Fri, 05 Feb 2010 01:25:35 +0000

Tulad ng kung kailan ako huling nagsulat dito, ay kay tagal din ng panahong muli kaming nagkasama-sama ng aking mga orihinal na kabarkada. Hindi sila simpleng tropa, hindi rin simpleng mga kaibigan. Mga tunay na kabarkada at kaibigan. Espesyal na bahagi sila ng aking buhay sapagkat sila ay mga nakasama ko noong mga panahong nabubuo pa lamang ang katauhan ko ngayon. Nagkasama-sama kami noong hayskul.

Kasama nila, una kong naransan ang umibig, mabigo, mamulat sa lipunang ginagalawan, mangarap, malasing sa puntong halos isuka pati ang laman-loob, tumawa hanggang sa mapa-iyak dahil sa mga simpleng bagay lamang at abutin ng hatinggabi sa kalsada dahilan sa simpleng kwentuhan lamang.

Hindi kami ang pinakasikat na barkada noong hayskul, pero ang bawat isa ay may pangalang inukit sa kasaysayan ng aming henerasyon. (naks!) Hindi kami mga anak mayaman, mga simpleng tao lang, na may simpleng kaligayahan at simpleng mga pangarap sa buhay. Hindi rin 'perpekto' ang aming pagtanda, ilan sa amin ay higit minsan nang naligaw ng landas, pero sa tulong ng bawat isa ay patuloy na nabubuhay, hindi man sa 'tamang landas' na nakagisnan ng karamihan, pero lumikha kami ng mga sarili naming daan. Pero iisa pa rin ang aming biyahe, ang makakamit ng maginhawang buhay.

Ngayong malapit na kami sa kalagitnaan ng buhay, hindi na kami mga bata pa. Ang ilan ay bumubuo na ng sarili naming mga pamilya. Pero ang mahalaga at masaya, patuloy pa rin ang samahan, kahit minsan na lang sa bawat taon magkasama-sama. Tiwala ako na magpapatuloy pa ito sa mga darating na panahon, lalong titibay, lalong lalakas at lalong magkakaroon ng kabuluhan para sa bawat isa.

Ano ang gagawin ko sa Pasko?

Para maiba naman

jhay — Wed, 19 Sep 2007 23:16:46 +0000

2 linggo ko nang pinag-iisipan kung gagawa ako ng bukod na blog para sa mga ganitong uri ng posts, yung mga walang katuturan at magkukwento lang ako ng kung anong nangyari sa akin sa maghapon o mga nakalipas na araw. Bagay na hindi masyadong pagkakainteresan nyo o makakatulong sa inyo dahil hindi naman ako artista o prominenteng tao. Isang simpleng mamamayan lang na maraming pangarap, masyadong maraming organisasyon kinabibilangan at gustung-gusto nang makabili ng MacBook.

Bakit naman ako magboblog tungkol sa mga ganitong bagay kahit na alam ng karamihan na hindi ako "fan" ng personal blogging. Masyado akong seryoso sa mga sinusulat ko sa blog, pero dahil sa ganoong bagay, madalas ay nagkakaroon ako ng "blogger's block." Yung hindi makapag-blog dahil walang lumalabas sa aking isip. Kahit na humarap pa ako sa kompyuter maghapon ay wala pa ring maisusulat.

Kaya napag-isipan kong dito na lang sa Sumilang magsulat ng mga bagay na personal ang dating. Pero hindi ako magkukwento ng kung anong ginawa ko pagkagising, habang naililigo, o bago matulog. Mga kwentong buhay lang na sa tingin ko ay makakatulong sa inyo kahit papaano.

Pangalawa ay matagal-tagal na ding walang bago dito sa Sumilang, at pangatlo, mas gustong kong magkwento sa Filipino o Tagalog. Tingnan nyo na lang kung gaano na kahaba ito diba? hehehe

Pang-apat ay magandang ehersisyo ito para makapagsulat ako. Sabi nga sa pelikulang "Finding Forrester" kapag gusto mong magsulat, magsulat ka lang. Mamaya na mag-isip. Dahil ang manunulat ay nagsusulat, iwanan ang masyadong pag-iisip sa mga pilosopo at pantas.

Ika-lima, gusto ko na uling magsulat tungkol sa mga nangyayari sa ating lipunan, nang sa ganoon ay manumbalik at hindi kalawangin ang pagiging progresibo at aktibista ko. hehehe (Ewan ko lang kung masasako ng Human Security Act of 2007 ang blog na ito, tingnan na lang natin.)

Ika-anim, dahil nga gagawin kong "pseudo-personal" blog o mala-personal blog ang Sumilang mula ngayon, huwag sana kayong matakot o magtaka kung bakit paminsan-minsan ay may mga sulatin dito na sobrang iksi o mga simpleng sulatin lang. Hindi kasi ako mahilig sa Twitter kaya dito na lang sa blog. Sabi nga nila, "content is still content" kaya kung maraming content ang iyong blog, maraming babasahin si Google Bot.hehehe

Ika-pito, wala na sa ngayon at hanggang dito na lamang. Bukas, o mamaya, sunud-sunod na ang mga kwentong buhay, pagkokomento tungkol sa kalagayan ng lipunan at mga walang katuturang-bagay.

Hanggang sa muli!

The State of the Nation

jhay — Mon, 23 Jul 2007 02:00:03 +0000

874 cases of human rights violations, 99, 011 individual victims, 14, 302 families in 288 communities, 282 victims of extra-judicial killings, 69 victims of massacres, 147 victims of forced disappearances, Migz Zubiri won as a Senator, Lintang Bedol and Virgillo Garcillano are still free men, Benjamin Abalos will also walk away safe from all this, soldiers are still dying in Mindanao, the Human Security Act in still in effect, Jonas Burgos and many others are still missing and worst of all GMA is still the President.

Julius Rocas » kwentong-buhay

Rocas hindi Rogas

Random posts

Hindi nakasasapat ang pera

Related Posts

Magsusulat muli

Random posts

Chicks for sale tuwing fiesta

Random posts

At maligalig si Julia tuwing gabi

Random posts

Buwiset na Globe Broadband

Related Posts

Babalik na ang Batibot sa TV5

Random posts

Nakasama ang original barkada

Related Posts

Para maiba naman

Related Posts

The State of the Nation

Related Posts