Karanasan, mga pananaw at kwentong buhay
O dapat ba ay blogger's block dahil ako ay blogger? Ano pa man, wala akong maisulat. O hindi ako makapagblog, dahil hindi ko alam kung ano ang aking iba-blog. Sana pagka-post ko nito ay makapagblog na ulet ako.
Noong nakaraang kwento ko, sinabi kong inspired akong magsulat. Pero halata naman na wala akong naisusulat. Pero sa totoo meron. Hindi lang para sa mga blogs ko pero nakapagsulat naman ako nitong mga narakaang araw.
Nariyan yung mga assignments ko, mga projects, mga konseptong papel at iba pang mga teknikal na pagsusulat. Pero sa malikhaing aspeto ng pagsusulat, wala. hehehehe
Isa sa mga dahilan ay ang kawalan ko ng internet connection tuwing gabi. Nagtitigil kasi ako ngayon sa isang dorm sa labas ng La Salle Dasma at walang internet. Walang silbi din naman ang Globe Mobile internet kaya wala din. Ayaw ko namang magpunta sa internet shops na napakadami dito sa labas ng pamantasan kasi ayaw kong gumamit ng iba pang kompyuter. Mas gusto ko pa rin ang laptop ko. Isa pa, hindi ako komportable sa paggamit ng mga pampublikong kompyuter dahil sa mga spyware na naglipana sa bawat internet shop.
Read the rest of this entry »
Walang internet kasi walang kuryente kaya walang magawa sa bahay. Pero maganda na rin dahil nagawa ko ang ilang mga bagay na nalimutan na dahil sa pagiging adik ko sa internet. Hindi ang paggagawa ng mga assignments o school work, kung hindi ang pagbabasa ng mga librong nasa bahay. Hindi kasi lahat ay binili ko.
Sa dalawang maghapon na nasa bahay lamang ako, (lago! Hindi pumasok!) natapos ko sa isang higaan ang mga dalawang libro ni Bob Ong. Una ang MacArthur na sinimulan at natapos ko din kahapon ng Lunes at pangalawa ang Stainless Longganisa na sinimulan kong basahin matapos ang tanghalian at kakatapos lamang ngayong mga oras na ito. 3:11pm kung gusto mo talagang malaman.