Julius Rocas

Huwag masyadong mag­pa­palin­lang sa bal­i­tang ito mula INQ7.net; "Con­sti­tu­tional assem­bly ‘dead’ -- De Venecia"

Ito ay mga kataga mismo ni JDV kung saan sinabi niya na patay na raw ang Con-​ass at ang res­o­lusy­ong nag­tu­tu­lak dito, ang House Res­o­lu­tion no 197 ay ilala­gay na raw sa mga arkibo o archives ng Maba­bang kapalun­gan. Patay na nga naman ang Con-​ass ano?

Pero mag-​ingat dahil ito ay isa lamang pal­abas nina JDV, nagsasagawa na naman sila ng isang sar­swela para tuluyang lumamig ang mga ulo ng taum­bayan na inoor­gan­isa ngayon ng CBCP para magrally sa Linggo sa Luneta park.

Walang kasig­u­ruhan ang hak­bang na ito para patayin ang Con-​ass dahil kailan­gan lamang ng isang "no" vote ay hindi mapupunta sa Archives ang HR no 197. At kahit sabi­hin pa ni JDV na nanini­wala siyang aapruba­han ito ng may­orya, makaka­paghugas kamay siya dahil hindi sa kanya mapupunta ang sisi at galit ng mga tao kapag nanatil­ing aktibo ang HR 197, ito ay mapupunta sa kung sino mang boboto ng "no" para isama sa Archives ang nat­u­rang resolusyon.

Trapong trapo hindi ba? Ilipat at ibal­ing sa iba ang pres­sure at mad­um­ing tra­baho nang sa ganoon ay man­atil­ing mali­nis ang iyong kamay at hindi ka kamuhian ng mga taum­bayan na siya ring botante. Ito rin ang dahi­lan kung bakit sinasabi niyang,

De Vene­cia said with the death of efforts to push the con­stituent assem­bly, he no longer saw any reason for the Church-​initiated prayer rally at the Luneta on Sunday.

“I don't see any purpose” for the rally, he said.

Kun­wari pa siya, alam niya kasing makikita ng iba pang mama­mayan at ng buong mundo ang dami ng mga taong ayaw sa Con-​ass, ayaw sa makasar­il­ing pagk­i­los ng House of Rep­re­sen­ta­tives, ayaw sa mga pinag­ga­ga­gawa nina JDV. Ang laki ng rally sa Linggo ay magig­ing kum­pir­masyon na ang mga trapong tulad nina JDV ay hindi na mabango para sa mga tao. At para hindi lalong uma­lin­ga­saw ang kani­lang baho, gina­gawa nila ang kaya nilang gawin para hindi mat­u­loy ang rally.

Pasen­sya­han na lang sa mga Ton­gress­men, sobra sobra na kasi ang gina­gawa niyo.

Tama na! Pal­i­tan na!