Isang patalastas muna para kahit papaano ay mapawi ang pagod, pangamba, hinagpis at paghihirap ngayong dinaranas natin ang mga kalamidad na idinulot ng bagyong Ondoy.
Ang video ay kinuha bago dumating ang bagyong Ondoy, pero magandang halimbawa na kahit kung ang mga magkakaribal sa industriya ng pagkain ay kayang magsama sa isang gawain, kayang-kaya ng mga Pilipino na magkaisa para makatulong sa mga nangangailangang kababayan.
Ang hindi ko lang masikmura ay ang hindi pagtulong ng Jollibee branch sa Kalinisan, Bacoor, Kabite sa mga taong naghahanap ng masisilungan noong kasagsagan ng bagyong Ondoy. Sabi ng aking kaibigan na mismong nakakita nito, pinaalis daw ang mga taong sumilong sa loob ng Jollibee kahit na matindi ang ulan sa labas at halos umabot sa dibdib ang baha.
Nakakasuklam! Naturingang ang Jollibee ay tubong-Pinas at Pilipino ang may-ari nito.
kuya
)
may mali din p0 ang mga empleyad0 ng nasabing fast food chain ngunit para po sa aking pananaw di po tama na pagbalingan agad ntin ang may ari ng j0libee dhil ang mga empleyad0 tlga ang my kasalanan
cgur0 po
kulang cla ng m0ral ethics pag dating sa pag ttrabhaho
per0 mas mganda nga sana kung tinulungan nla ang mga ta0ng gipit ng mga panah0ng iy0n
Kapatid,
Ang mga gawain ng mga empleyado sa oras ng trabaho ay gawain din at pananagutan ng kanilang mga amo at may-ari ng kompanyang kanilang pinapasukan.
At malabong gawin ito ng mga empleyado kung walang utos o pahintulot ng pamunuan o management.
Pero tama ka at kailangan silang mag-aral muli ng tamang pakikipagkapwa tao.
PS
Sana sa susunod ay nasa wastong baybay ang mga pangungusap o sentences mo. Hindi kasi tinatanggap sa blog na ito ang jejenese o mala-jejenese na pagkakasulat ng mga komento.