Litratong Pinoy: Bulaklak
Ito ang kauna-unahang pagkakataon na sasali ako sa Litratong Pinoy, isang masaya at natatanging blogging project para sa mga litratistang pinoy na blogger din.
Tuwing Huwebes ginagawa ang Litratong Pinoy at sa bawat linggo ay may iba't-ibang tema ang sinusunod.
Para sa linggong ito, ang tema ay 'bulaklak' at narito ang aking kontribusyon:
Isa ito sa mga bulaklak na nasa hardin ng isang kaibigan ko sa Binondo, Manila. Binisita ko siya noong nakaraang Nobyembre para mangamusta. Nakakatuwa dahil kahit na nasa gitna siya ng lungsod, napapanatili niyang malusog at magaganda ang mga halaman at bulaklak sa kanyang maliit na hardin.
Bagay na gusto kong gawin din dito sa aming bahay sa probinsya.
May isang akda pa ako na gagawin upang maging opisyal na kasali sa Litratong Pinoy, at ito ay lalabas sa susunod na Huwebes.