Pagod lang

Kay tagal ding hindi ako nakapagsulat dito. Okay lang, wala namang nagbabasa nito,hehehe pero ganun pa din, may silbi pa rin ang blog na ito.

Marami akong gustong isulat, pero ang baliw kong sarili ay hindi maisulat ang mga bagay na iyon. Kadalasan, kahit maghapon ako sa harap ng kompyuter ay wala akong naisusulat para sa The Four-eyed Journal. 99% ng mga naiisip kong sulatin o post, ay nauuwi lang at lalo pang nagpapahaba sa ‘drafts list’ ko. Nung huli ko itong nakita, may mga draft posts na 2 taon na!!! Matindi na talaga ang aking “mamaya na” attitude.

Ngayon, ay sinusulat ko ito sa halip na sinusulat ang introductory story sa Mad Inquirer at ang 3-bahaging sulatin tungkol sa tatlong bagong bili kong libro para sa The Four-eyed Journal. Abnormal talaga ako.

Malamang pagkatapos kong ipaskil ito, matutulog na ako. Dahil halos isang buwan na akong walang tulog na humigit o umabot man lang sa 8 oras. Kung payat ako noon ay mas payat ako ngayon.

Ano pa ba? Bukas ay simula ng plebisito para sa bagong USC Constitution. On-line ang pagboto kaya sana ay madaming estudyante sa DLSU-D ang magbukas ng kanilang portal at bumoto. Kapag nanalo ang bagong USC Constitution, pwede na akong mamatay. Biro lang shempre! hehehehe

Pero sa mga estudyante ng DLSU-D na makakabasa nito, sana po ay bumoto nga kayo. Maging kabahagi ng kasaysayan sa ating pamantasan. Naks! Ang lupet nun diba?

Bukas ay balik eskwela na uli. Pero parang gusto kong tumigil na lang muna sa bahay, kasi 14 araw o 2 buong linggo na akong nasa skul. Grabe, dun na kaya ako tumira?

Balik eskwela, balik gawain ng lider-estudyante at iba pa. Panay reklamo na itong sinusulat ko dito, ibig sabihi’y sawa na ako? Hindi naman, pagod lang.