Karanasan, mga pananaw at kwentong buhay
Archive for the ‘Globe Broadband’ tag
Ika-4 na araw na ngayon na ang Globe Broadband connection ko sa bahay ay mas mabagal pa sa Dial-up. Badtrip!!!
Kanina, tumawag ang Globe at sinabing naliligaw daw ang kanilang Technical Crew. Mali ang address na hawak nila. Nasa Dasmarinas pa sila kaya talagang hindi nila mapupuntahan ang bahay ko na nasa Silang.
Babalik daw sila bukas ng umaga bago mag tanghali. Sana lang. Nakakabuwiset na talaga ang Globe!
Kaninang madaling araw, habang nagmamadali akong gumawa ng PowerPoint presentation para sa isang seminar, nawalan ng koneksyon ang Globe Broadband ko.
Nakakainis talaga. Kung kailan kailngang-kailangan mo, saka nawawala. Buti na lang may Globe Tattoo at tumino ang 3G signal sa aming lugar kya napagtyagaan ko na kahit papaano.
Mabilis naman sya, umaabot ng 1Mbps ang koneksyon. Pero nadidisconnect pa rin kada 1 oras. Nakakainis pero buti na lang nakapag unlisurf ako.
Alas-4 na ng umaga nang natapos kong gawin ang slideshow. Tila ba sinasadya ng Globe na buwisiten ako dahil kung kailan tapos na ako gumawa ng presentasyon, saka bumalik ang koneksyon ng broadband.
Salamat Globe broadband. Buwiset!
Nitong mga nakaraang linggo, uminit at nadismaya na naman ako sa Globe Broadband dahil sa paputol-putol na koneksyon ko sa iternet. Madalas itong nangyayari tuwing gabi, mga alas-8 ng gabi hanggang sa ika-1 ng umaga - kung kailan nasa bahay na ako at kailangang magsualt sa mga blogs ko.
Kaya tumawag ako sa kanilang Customer Service hotline upang humiling ng isang "repair visit" sa aming lugar para maisaayos na ang problema ko.
Ang nakakainis sa Globe, 90% ng mga sinabi nila sa aking gagawin daw nila ay hindi nila ginawa. Lumalabas pa minsan na ako ang sinungaling tuwing kakausapin ko ang kanilang mga Customer Support Representatives (CSR).
Isa sa mga lagi na lang nilang hindi tinutupad ay ang pagtawag o pagtext muna sa akin bago bumisita sa bahay ang kanilang mga "technicians" upang inspeksyunin ang linya ng telepono at ang aking broadband modem.
Kahit ilang beses nang kinukuha ng kanilang CSR ang aking mobile number ay hindi pa nila ako tinawagan o tinext man lang kung pupunta sila sa bahay ko o hindi. Lagi tuloy naiiwan akong nakatanga sa bahay sa kakahintay sa wala.
At kung sila naman ay pupunta sa aking bahay, nakaalis na ako o kaya ay nasa pamantasan na, kaya hindi nila maayos ang koneksyon dahil hindi naman alam ng mga kasambahay ko kung paano sila kakausapin.
Tulad na naman kaninang hapon, nagpunta daw ang mga taga-Globe broadband para magsagawa ng inspeksyon at pagkukumpuni sa aking internet connectio. Pero dahil wala ako sa bahay, babalik na lang sila bukas. Kinabukasan kung kailan nasa pamantasan na naman ako at wala sa bahay!
Natural lang na hindi nila ako aabutan dahil hindi naman sila nagtatanong, tumatawag o nagtetext kung ako ba ay nasa bahay ko o hindi.
Hindi ko tuloy maunawaan kung sino ang mali, ang CSR ba o ang kanilang mga technicians. Sino ba ang tanga o hindi maka-intindi?