Julius Rocas » public speaking http://juliusrocas.com Karanasan, mga pananaw at kwentong buhay Sun, 22 Jan 2012 15:52:31 +0000 en hourly 1 http://wordpress.org/?v=3.3 1,000 tagapakinig http://juliusrocas.com/archives/1000-tagapakinig/ http://juliusrocas.com/archives/1000-tagapakinig/#comments Wed, 16 Jan 2008 13:55:53 +0000 jhay http://juliusrocas.com/archives/1000-tagapakinig/ Isang libong estudyante. Ito ang mga salitang kanina pa nasa isip ko. Pumasok ito sa aking isipan matapos kong malaman na ito ang posibleng bilang ng mga tagapakinig sa Lasallian Forum sa darating na Lasallian Festival na gaganapin sa Jan 23, 2008. Ako ay isa sa mga tagapagsalita sa forum na ito. Ang halos isang libong estudyante na binanggit ko ang makikinig sa akin!

Sanay na akong magsalita sa harap ng mga maraming tao, bata man o matanda, mas maraming napagaralan sa akin o hindi. Pero ngayon lang talaga na 1,000 ang makikinig sa akin. Sa Ugnayang La Salle pa gaganapin kaya kakaiba ang kaba at takot na nararamdaman ko.

Magkakamali kaya ako? Magbubuhol ang dila? Magkakalat na lang dun sa harap nila? Ilan lang ito sa mga bagay na bumabagabag sa akin.

Isa pa sa mga lalong nagpapataas ng aking kaba at pangamba ay ang paksang napunta sa akin. Tungkol ito sa 'Bokasyon ng Pagiging Kabataang Lasalyano.' Ubod ng hirap hindi ba?

May problema ako sa paksa dahil parang hindi tugma na ang pagiging Kabataang Lasalyano ay isang bokasyon. Paano ko ito nasabi?

Sa January 23 ko sasabihin ang sagot. Dahil ito ang magiging buod ng aking pananalita sa naturang forum. Sana ay may mapulot na kapakipakinabang ang mga makikinig at hindi ako awayin ng mga taga ULFO na syang nagimbita sa akin bilang tagapagsalita.

Medyo bitin at magulo diba? Sa susunod, ikukwento ko ng mas maayos ang mga bagay-bagay tungkol dito.

Related Posts

]]> http://juliusrocas.com/archives/1000-tagapakinig/feed/ 0