90% ng oras ko onlayn ay naubos sa pagpapasalamat sa mga bumati sa akin sa Facebook. Sadyang nakakataba ng puso. Kahit papaano, may tumataba pa rin sa akin.

Nitong mga nakaraang araw, ay sadyang nakakalungkot dahil wala ang mag-ina ko sa bahay. Habang wala naman sila, inaliw ko na lang ang aking sarili sa mga gawaing matagal nang dapat gawin. Una dito ang paglilinis ng aming kwarto. Nai-saayos ko na din ang lahat. Pero kahit maayos, malinis at maaliwalas ang loob ng kwarto, pakiramdam ko ay may kulang pa rin. Ang aking mga-ina shempre.

Dahil din sa bakanteng mga araw, malapit ko nang matapos ang librong mahigit pitong buwang ko nang binabasa. Nakakatuwa talaga, mas kapana-panabik ang ikalawang bahagi ng nobelang "The Birth of Venus" at sadyang napanganga ako sa mga rebelasyong nabasa ko! Tiyak akong matatapos ko na rin ito ngayong Agosto.

Bukod dito, muling napukaw ang interes ko sa pagsusulat ng kwento at dula. May isang konseptong matagal nang tumatakbo sa aking isipan at sa aking wari ay panahon na para simulang itong isulat. Hindi para matapos agad ngunit para maipanganak lang kumbaga. At habang lumalakad ang mga araw, patuloy kong uusisahin at rerepasuhin ang kwentong ito na gagawin kong dula. At sana, balang araw, maging materyal ito para sa isang pelikula.

Related Posts

• Kalahating tulog, kalahating gising
• Wala namang maisulat…pero madaming kwento
• Inspired Magsulat
• Kailan ba ako huling nagsulat ng love letter?

Lalo na 'yung mga "midnight appointments". Kaya nga mula't sapul, tinitira na ng mga Liberal si Chief Justice Renato Corona matapos itong maitalaga sa tulong ng mga mahistradong mabait kay GMA.

Lumutang din ang bulung-bulungan na posibleng ipa-impeach ni Aquino si Corona pero dahil sa garapalan na ito, umatras din sila bandang huli. Minabuti na lang nila na hindi pansinin si Corona dahil wala na silang magagawang ligal na paraan para maalis ito sa pwesto bilang punong mahistrado. Deadma na lang kumbaga.

Kung kaya, si AFP Chief of Staff Gen Delfin Bangit, na isa ding "midnight appointee" ni GMA ang napagbalingan ni Aquino bilang pagwawasto sa mga ginawa ni Arroyo.

Mas madali kasing galawin si Bangit dahil bilang Commander-in-Chief, nakay Aquino ang lahat ng ligal na karapatan upang gawin kung ano ang gustuhin nito tungkol sa AFP.

Napasubo si Bangit nang magmatigas siya, pero sa bandang huli, sumuko din ito at nagretiro ng maaga mula sa serbisyo militar. Wala naman talaga siya magagawa dahil kahit 5-star General pa siya, wala siyang binatbat sa Commander-in-Chief.

Parang tulad lang ng sa larong "Game of the Generals" talo ng "Spy" ang 5-Star General. Nananaig sa militar ang kapangyarihan sibilyan.

Related Posts

• Simpleng putukan?
• Hindi pa tapos ang pasko para sa AFP?
• Palayasin ang mga pakialamerong sundalong Kano

Pero dahil nga sa inaantok na ako, hindi ko na nagagawang isulat ang mga ideyang pumasok sa aking isipan at ang motibasyon kong magsulat ay natatalo ng pangungulila ng aking katawan sa malambot na higaan.

Minsan nga ay naiisip kong subukan 'yung tinatawag nilang "power naps" o maiiksing pagtulog - mga 30 minuto - saka muli gigising at ipagpapatuloy ang naudlot o bagong gawain, tulad ng pagsusulat. Pero palpak ako sa "power naps" dahil ang dapat sana'y 30 minutong pagtulog ay nagiging 6 hanggang 8 oras na pagkakaidlip!

Sa katunayan, ang artikulong ito ay sinusulat ko habang nasa bingit ako ng matinding pagkaantok at hinahayaan ko na lang ang aking mga kamay na tumipa sa aking laptop sa saliw ng kumpas ng aking isipan.

Pero hindi tungkol sa reaksyon ko sa huling pamamaalam ni Gloria Macapagal-Arroyo bilang pekeng Pangulo ng Pilipinas ang naisulat ko. Bagkos, ang pakiramdam ng pagsusulat habang kalahating tulog at kalahating gising.

Related Posts

• Huling araw ng Hulyo
• Wala namang maisulat…pero madaming kwento
• Inspired Magsulat
• Kailan ba ako huling nagsulat ng love letter?

Pursigido kasi si Manuel V. Pangilinan na palaguin ang istasyong ito at maging Numero Uno sa buong bansa. Ang dagdag na 5 bilyong pisong pamumuhunan o investment ay senyales na seryoso talaga siya.

Ang magandang bunga nito, may alternatibo na sa GMA 7 at ABS-CBN na minsan naman talaga'y nakakasawa na at nakakainis lang ang kompetisyon nilang dalawa.

Pero ang pinaka-ikinatutuwa ko sa balitang ito ay ibabalik daw ng TV5 ang paborito kong programa sa telebisyon noong nasa elementarya pa lang ako, ang walang kaparis na "Batibot".

Nagsimula ito noong 1984 bilang Sesame! o Filipinong bersyon ng "The Sesame Street" na sikat noon sa Amerika. Hanggang sa naging 100% Filipino ito sa wika at laman at tawaging "Batibot" na ang ibig sabihin ay "small, but strong and robust" o maliit ngunit malakas at matikas.

Hindi malilimutan ang mga karakter sa Batibot, lalo na sina Pong Pagong at Kiko Matsing. Ang mga kwento ni Kuya Bodjie na talagang inaabangan tuwing umaga.

At shempre, hinding-hindi malilimutan ang panimulang kanta ng Batibot na siyang kinakanta ng lahat ng bata sa bansa tuwing umaga:

Ito at "Ang Huling El Bimbo" ng Eraserheads ang kabilang sa mga kantang hinding-hindi ko malilimutan.

Sana ngayong bakasyon maibalik ng TV5 ang Batibot para kahit papaano ay mapanood ko ito at makita kung anong pagbabago ang ginawa nila dito. Sana bumalik ang mga orihinal na puppet at mga karakter lalo na si Kuya Bodjie. At sana tumagal ito sa ere hanggang sa magkaroon ng muwang ang aking anak para mapanood niya rin ito.

Tayo na sa Batibot!

Random posts

• Sulatan mo na lang ako
• Ano ang plano nyo sa sembreak?
• Maligayang Pasko sa inyong lahat!
• KABATAAN-Ateneo Chapter disowns FG Arroyo
• Inspired Magsulat

Ubod ng mahal ang tiket sa concert na John Mayer Live in Manila. Gaganapin ito sa May 16, 2010 sa Mall of Asia Concert grounds. Ito ang halaga ng mga tikets:

VIP - 12,000 pesos
Gold - 8,000 pesos
Silver - 5,000 pesos
Bronze - 2,000 pesos
GA - 600 pesos

Hindi ko kayo niloloko, at sana ay nagkamali ako ng pagbabasa, pero ganyang kamahal ang mga tiket sa concert na ito. Fan ako ni John Mayer, tunay na gusto ko ang mga kanta niya, pero hindi ako maglalabas ng ganyang kalaking pera para lamang mapanood siya ng Live.

Sa VIP at Gold na tiket ay pwede ka nang mag-enrol sa DLSUD o kaya ay may bagong cellphone ka na. Ok lang din sana kung sa ganoong tiket ay makakaupo ako ng komportable, may aircon at bubong kung sakaling umulan. Pero ito ay gaganapin sa MOA concert grounds, walang upuan, walang bubong at nakatayo ako sa kabuuan ng concert. Parang hindi ata makatarungan ang ibabayad ko, mawalang-galang na kay John Mayer, pero sa susunod na lang.

Manood ba kayo ng concert niya? Anong tiket ang bibilhin nyo?

Random posts

• Sulatan mo na lang ako
• Balik blogging na si Shari, ako naman kaya?
• Karapatan at convenience
• Bagong oras ng pagtulog?
• Ang martsa para mag-apila sa Korte Suprema

Kasama nila, una kong naransan ang umibig, mabigo, mamulat sa lipunang ginagalawan, mangarap, malasing sa puntong halos isuka pati ang laman-loob, tumawa hanggang sa mapa-iyak dahil sa mga simpleng bagay lamang at abutin ng hatinggabi sa kalsada dahilan sa simpleng kwentuhan lamang.

Hindi kami ang pinakasikat na barkada noong hayskul, pero ang bawat isa ay may pangalang inukit sa kasaysayan ng aming henerasyon. (naks!) Hindi kami mga anak mayaman, mga simpleng tao lang, na may simpleng kaligayahan at simpleng mga pangarap sa buhay. Hindi rin 'perpekto' ang aming pagtanda, ilan sa amin ay higit minsan nang naligaw ng landas, pero sa tulong ng bawat isa ay patuloy na nabubuhay, hindi man sa 'tamang landas' na nakagisnan ng karamihan, pero lumikha kami ng mga sarili naming daan. Pero iisa pa rin ang aming biyahe, ang makakamit ng maginhawang buhay.

Ngayong malapit na kami sa kalagitnaan ng buhay, hindi na kami mga bata pa. Ang ilan ay bumubuo na ng sarili naming mga pamilya. Pero ang mahalaga at masaya, patuloy pa rin ang samahan, kahit minsan na lang sa bawat taon magkasama-sama. Tiwala ako na magpapatuloy pa ito sa mga darating na panahon, lalong titibay, lalong lalakas at lalong magkakaroon ng kabuluhan para sa bawat isa.

Related Posts

• Ano ang gagawin ko sa Pasko?

Balik sa pasko. Nais ko lang batiin kayong lahat, lalo na sa mga iilan lang na naliligaw at nagbabasa ng blog na ito, ng isang maligayang pasko sa iyo at inyong pamilya.

Shempre, binabati ko rin ang mga kapwa bloggers ko, mga kaibigan sa internet (Facebook, Friendster, Multiply, FriendFeed, Flickr, Twitter at Plurk), sa mga kasamahan at katropa ko sa Sining Bayan, sa mga katropa ko din sa EEE41, sa mga kapwa ko SERVE Volunteers at kasama sa LCDC, sa mga klasmeyt kong PolSci at sa inyong lahat!! Maligayang pasko!

Related Posts

• Ano ang gagawin ko sa Pasko?
• Tag-hirap ngayong pasko

Kakaiba ang semestre na ito. Bukod sa mga malaking pagbabago sa buhay-estudyante ko, ang daming mga bagay na nangyari sa labas ng pamantasan na lubhang nakaapekto sa loob.

Nariyan ang mga kaguluhang nangyari sa pulitika at ekonomiya at ang pinkahuli ay ang pinsala at trahedyang idinulot ng magkasunod na bagyong Ondoy at Pepeng.

Matapos ang lahat-lahat, palagay ko ay dapat sulitin ang darating na sembreak. Dahil sa pagbabalik-eskwela sa ikawalang semestre, sa palagay ko ay mas magiging abala at lahat dahilan sa mga panibagong hamon at mga gawain sa pamantasan. Shempre, lalong magiging mabigat ang mga bagay-bagay dahil sa mas maiksi at mas mabilis na takbo ng panahon tuwing 2nd semester.

Para sa sembreak, balak kong basahin ang mag librong nabili ko noong Agosot pa, pero hindi ko pa nasisimulan kahit isa. At dahil dito, sisimulan ko din ang bago kong blog na matagal ko nang pinagpaplanuhan at binabalak na gawin. Bukod dito, balak ko din na mamalagi, hangga't posible, sa bahay. Para naman makapagpahinga at sana, hari-nawa, ay magkaroon ng kahit kaunting dagdag timbang.

Shempre, hindi mawawala ang pagtambay kasama ng mga kaibigan ko dito sa Silang, pero dapat ay maging mahinahon dahil dapat sulitin ang sembreak para makapagpahinga.

Pero sa kutob ko ay hindi ko malulubos ang sembreak para makapagpahinga. May mga ilang bagay na kailangang pagtuunan ng pansin at ito ang kakain ng mga oras at araw ng akin sembreak. Nariyan ang pagiging SERVE Volunteer, pinuno ng SENTRO, pasimuno muli sa Sining Bayan at shempre sa pagiging blogger.

Gaano man kaiksi o kahaba, mabuti nang may sembreak kaysa sa wala.

Related Posts

• Bakit nga pala may school uniform sa DLSUD?
• Pagod dahil sa OSS week
• Libreng WiFi sa DLSUD, Libre ba Talaga?
• Self Awareness seminar at Advanced Leadership Training ng SERVE
• Pagbasbas sa La Salle Jeep-ikot

Hindi ko pwedeng idetalye ang mga napag-usapan pero sa ngayon ay natapos kami sa Section 1 ng kasalukuyang Student Handbook, partikular tungkol sa detalye ng uniporme.

Naging masigla, mainit pero malaman ang mga debate tungkol sa school uniform. Pero kanina ko lang napagtanto, bakit kailangan ng school uniform?

Kung babasahin ang Student Handbook, makikita lamang ang pagsasalarawan ng unimporme para sa lalake at babaeng estudyante ng DLSUD pero hindi mo mababasa kung bakit kailangang magsuot ng uniporme ang mga estudyante.

Ano sa palagay nyo? Para ba maging maayos tingnan ang pamantasan? Para ba makatulong sa ating mga pag-aaral? Para ba makatipid? Para ba sa seguridad? Para may dagdag kita ang school?

Bakit sa La Salle Manila ay walang uniporme?

Bakit nga kaya???

Related Posts

• Ano ang plano nyo sa sembreak?
• Pagod dahil sa OSS week
• Libreng WiFi sa DLSUD, Libre ba Talaga?
• Self Awareness seminar at Advanced Leadership Training ng SERVE
• Pagbasbas sa La Salle Jeep-ikot

Ang video ay kinuha bago dumating ang bagyong Ondoy, pero magandang halimbawa na kahit kung ang mga magkakaribal sa industriya ng pagkain ay kayang magsama sa isang gawain, kayang-kaya ng mga Pilipino na magkaisa para makatulong sa mga nangangailangang kababayan.

Ang hindi ko lang masikmura ay ang hindi pagtulong ng Jollibee branch sa Kalinisan, Bacoor, Kabite sa mga taong naghahanap ng masisilungan noong kasagsagan ng bagyong Ondoy. Sabi ng aking kaibigan na mismong nakakita nito, pinaalis daw ang mga taong sumilong sa loob ng Jollibee kahit na matindi ang ulan sa labas at halos umabot sa dibdib ang baha.

Nakakasuklam! Naturingang ang Jollibee ay tubong-Pinas at Pilipino ang may-ari nito.

Random posts

• Sinong paaralan ang tatanggap kay Abalos?
• Secretary of Injustice talaga
• Mainit na naman!
• Para sa mga UAAP Admins and officials: Consitency and impartiality
• Debate naman…para sa Finals