July 6th, 2008 — Daily Dose with 142 views
Hindi ko napanood ang unang sagupaan ng Ateneo at De La Salle sa UAAp. Pero narito ang deretsahang ulat tungkol sa kanilang unang laban:
Ateneo defeats La Salle, 79-73
Ateneo de Manila University defeats De La Salle University , 79-73, at the UAAP games Sunday.
Wohoo! Hehehe, Sino kaya ang magiging kampyon ngayon? Masyado pang maaga pero mukhang malakas talaga ang tsansa na Ateneo ang magkakamit ng korona ngayong taon.
Abangan na lang natin ang mga susunod na laban…
July 5th, 2008 — Daily Dose with 129 views
Kakatapos lamang ng General Assembly ng SERVE volunteers kaninang hapon. Nakakapagod! Pero masaya naman. Sulit ang pagpapagod dahil positibo at madaming magandang nangyari.
Ito ang kauna-unahang Gen Assembly na mismong mga estudyanteng boluntir ang nagorganisa ng pagtitipon nang may napakaliit na pagkilos mula sa mga kasamahan naming guro. Kaya para sa mga kasama ko sa organizing committee, mabuhay kayong lahat! Asteeg kayo!
Para naman sa mga bagong boluntir, maraming salamat sa inyong pagdalo at partisipasyon at sa pakikipag kulitan sa amin. Umaasa ako na dito pa lamang nagsisimula ang ating mahaba, maganda at makabuluhang pagsasama.
Continue reading →
May 28th, 2008 — buhay estudyante with 233 views
Ayon sa mga huling nagbahagi sa akin ng kanilang mga saloobin tungkol sa nakakalungkot na pangyayari sa scholarship ng USC ngayon, hindi ko maiwasang malungkot din at pilit kong iniiwasan ang mag-isip ng masama sa mga bagong USC officers.
Sa kasalukuyan, mayroong 20(?) iskolar ang USC ngayon, mas mataas kumpara noong nakaraang taon. Ngunit hindi ata naging usap-usapan ang pagtaas ng bilang ng mga iskolar. Ang mas napag-uusapan ay ang mga iskolar, magulang at mga ilang administrador na nababahala at nababagabag dahil kahit nadagdagan ang bilang ng mga iskolar, nabawasan naman ang mga tunay na matutulungan nito.
Sa 17 iskolar ng nakalipas na USC, mas madami ang bilang (percentage) ng mga may “full scholarship” kumpara sa ngayon, iisa o dalawa lang daw ang nabigyan ng “full scholarship” kaya, lubhang nakakalungkot, marami-rami sa mga nakaraang iskolar ang hindi makakapag-aral ngayong pasukan, kahit na 50% ang scholarship nila. Sa lalong pagtaas ng mga bilihin, langis, matrikula at iba pa ngayong kasalukuyan, higit na kinakailangan ng mga kapos-palad nating kapwa Lasalyano ang lahat ng tulong upang ipagpatuloy nila ang kanilang pag-aaral. Ang pagiging iskoloar ang isa sa kanilang mga malubhang inaasahan.
Ginawa ang mga mapayapa at tamang proseso para subukang umapila sa kasalikuyang USC na sana’y mabago ang kanilang desisyon at madagdagan ang matatanggap ng mga iskolar. Ngunit, matapos ang mga pag-uusap at pakikipagdayalogo, desedido na raw ang bagong USC na kung ano ang kanilang napagdesisyunan ay yun na talaga.
Totoo na may kalayaan at karapatan ang USC na pagdesisyunan ang pagbibigay ng mga scholarships. Totoo rin na may kalayaan at karapatan silang itakda ang panuntunan at proseso sa kung sino ang mabibigyan ng scholarships.
Pero hindi ibig sabihin nito ay bahala na sila sa kung ano man ang kanilang mapagdesisyunan. Bilang mga lider-estudyante, higit na inaasahan na ang kanilang mga desisyon ay para makapaglingkod sa interes at kapakanan ng mga estudyante at alinsunod sa mga dakilang aral ni San Juan Buatista De La Salle.
Continue reading →
May 22nd, 2008 — buhay estudyante with 239 views
Dalawang linggo na lang at simula na ng pasukan. Simula na uli ng mga akademikong gawain at shempre, para sa akin, simula na muli ng mas madaming extra-curricular na gawain.
Marahil magtataka ang mga nakakakilala sa akin sa DLSUD dahil tapos na ang termino ko sa University Student Council pero bakit nasabi ko pa ring mas madami ang aking extra-curriculars ngayon.
Nariyan ang pagpapatuloy at pag-pokus ko sa mga gawaing pang-adbokasiya, partikular sa pag-oorganisa ng mga estudyante sa DLSUD upang tugunan ang mga tawag ng panahon at pagpapatuloy ng Lasalyanong misyon. Sa mga darating na araw ay ikukwento ko ito ng mas detalyado.
Sumunod naman ang panunumbalik ko sa SERVE Volunteers ng LCDC. Ang organisasyon pinagmulan naming mga nanungkulan sa USC nitong nakaraang taon. Nakakalungkot lamang na nagsipagtapos na ang mga kasabayan kong boluntir at lider-estudyante. Kung hindi ako nagkakamali, ako ang pinka-kuya ngayon sa SERVE. Sana lang ay maging maayos at produktibo ang taong ito para sa aming mga boluntir. Kung gusto nyo maging SERVE boluntir, pumunta lang kayo sa LCDC, 2nd floor ng SBC canteen at handa kaming salubungin kayo ng may libreng mamon pa. (jowk lang! pero welcome na welcome kayo mag boluntir)
Continue reading →
May 16th, 2008 — buhay estudyante with 278 views
Kahapon, sa kapistahan ng pagkakaproklama kay San Juan Bautista De La Salle bilang patron ng lahat ng mga guro, idinaos din ang pagbasbas sa kauna-unahang jeepney ng La Salle Jeep-Ikot na proyekto ng University Student Council 2007-2008 at ng POLCA o Parents’ Association of La Salle Cavite.
Kasama namin sa misa ang ilang opisyales ng POLCA, mga administrador ng DLSUD, ang USC 07-08 Executive Board at shempre ang malulupet na Genshiken na syang nagdisenyo ng jeep na ito.
Continue reading →
