Julius Rocas

Gusto kong tipunin sa isang web­site ang lahat ng mga bagay na hindi bagay sa The Four-​eyed Jour­nal. Sa ngayon,mayroong akong Tumblr at ito para sa paglagyan ng mga bagay na iyon (random quote, litrato, mai­iks­ing posts, atbp), pero hindi ko alam kung ano ang gagawin.

Ilipat ang blog na ito sa Tumblr

Naisip ko na gamitin na lamang ang domain na ito (julius​ro​cas.com) sa Tumblr. Dahil nan­doon ang mga Post For­mats na gusto kong gamitin. Ang pumipigil lang sa akin ay ang mga sumusunod:

Themes/design - hindi ko alam kung paano ayusin o lagyan ng sar­il­ing dis­enyo ang Tumblr kasi hindi ako mahusay sa CSS.

Kalig­tasan ng aking mga posts - Pat­u­loy na dumadami ang mga gumagamit ng Tumblr kaya minsan ay hindi na kinakaya ng kani­lang mga servers. Natatakot ako na baka mag-​loko ang Tumblr at maglaho lahat ng posts ko.

Ang mga problema ko sa WordPress

Post for­mats - wala pang WP theme ang gumagamit ng Post For­mats kahit lum­abas na ang WP 3.1. Tang­ing 2010 Theme pa lang ang gumagamit ng Post For­mats pero nakuku­lan­gan ako sa dalawang sinusu­por­ta­han nito: Asides at Gallery.

Masyadong hilaw pa kasi ang Post For­mats ng Word­Press sa ngayon. Pero hihin­tayin ko pa ba dumat­ing ang araw na iyon? Masisir­aan na ata ako ng bait.

Ganoon talaga minsan, may mga pana­hong ang mga taong inaasa­han na maalam at mapa­nuri sa pag-​iisip ay nakuku­lan­gan o nasoso­bra­han nito.

Kaya mga bata, makinig sa sinasabi ng mga guro na huwag basta pani­walaan ang inyong mga nababasa, lalo na sa Internet.

Con­grats sa Mos­quito Press!

Sa totoo lang hindi ako nakumbinse ng "Tea Master" na uminom ng Real Leaf Green Tea. Alam kong medyo kakaiba tingnan magsalita sa Fil­ipino ang mga Intsik, pero sa tuwing mapa­panood ko ang com­mer­cial na ito hindi maalis sa isip ko ang impresyon na kung hindi may sayad sa ulo ang "Tea Master" ay nakatira ito ng opium at bigla na lang sumakay sa kotse ni Piolo Pascual.

Ano sa tingin nyo?

Madaming nagsasabi na maswerte pa tayong mga nan­dito sa Pilip­inas dahil hindi pa tayo tinata­maan ng matind­ing lindol. Ilang dekada na ata ang nakali­pas mula nang nagka­roon ng malakas na lindol at naka­pag­du­lot ng maram­ing pinsala.

Pero, nakak­aba­hala ang pag-​aming ginawa ng Bureau of Fire Pro­tec­tion sa isi­nasagawang pag­dinig ng Senado tungkol sa kahan­daan ng ating gob­y­erno tungkol sa pagre­sponde sa mga nat­ural na kalami­dad tulad ng matind­ing lindol.

Inamin ng BFP na wala silang sapat na kagami­tan para labanan ang mga malalak­ing sunog na kadalasang ibin­ubunga ng mga matind­ing lindol. Alam na ito ng mga tao, dahil tuwing maba­balita na nagkaka­roon ng mga malak­ing sunog sa kamayni­laan, kadalasang lumalala ang apoy dahil sa nau­ubu­san ng tubig o kulang ang mga trak ng bumbero.

Ang sinabi ni BFP Chief Supt. Vic­to­ri­ano Reme­dio, direc­tor for oper­a­tions sa Senado noong Martes:

When a fire occurs in the Pan­da­can area, when that is affected by an earth­quake, def­i­nitely sir, the BFP cannot cope with the job.

Unless we are pro­vided, maybe with spe­cific equip­ment ... per­haps, sir, we can do it, but as of now, I am sorry, sir.

Minsan nga ay napanood ko sa ANC ang isang pro­grama na sum­ilip sa mga bum­bero at ipinakita ang mga pang-araw-araw na kani­lang karanasan. Sinabi mismo ng mga bum­bero na kulang na kulang sila sa mga gamit para lubu­san nilang mag­a­m­panan ang kani­lang mga tungkulin tuwing magkaka­roon ng sunog. Ilan na dito ang pagtiis sa con­struc­tion helmet sa halip na helmet na sadyang ginawa para sa mga bum­bero. Mas mahina daw ang con­struc­tion helmet kumpara sa fireman's helmet, pero dahil mas mura ang nauna, iyon na lamang ang kani­lang binibili.

Kahit pa ang mga fire hose na pan­gu­nahing instru­mento nila sa pagla­ban sa sunog ay gina­gawan na lamang nila ng paraan para tuma­gal at mag­a­mit pa rin. Kwento nung bum­bero, kapag nagka­roon ng butas ang fire hose, pin­uputol ang bahag­ing ito at idin­udug­tong na lamang para makumpuni. Kaya habang dumadami ang butas, pat­u­loy na umi­iksi ang kani­lang mga fire hose.

Walang duda naman na pat­u­loy na nagsasanay ang ating mga bum­bero kaya may kahan­daan sila kung tutu­usin, ang tang­ing prob­lema lamang ay ang kaku­lan­gan sa gamit. Kapag may prob­lema ang mga bum­bero, magkaka­roon tayo ng mas malak­ing prob­lema sa pana­hong kailan­ganin natin sila lalo sa pana­hon ng mga kalami­dad tulad ng matind­ing lindol na tumama sa Japan.

Mali­naw na aksyon at hindi lamang pat­u­loy na panalan­gin ang ating kailan­gan nang sa pag­dat­ing mga matind­ing kalami­dad, makakatu­gon tayo ng wasto at makaka­paglig­tas ng buhay.

Mukhang tama ang tantya ni Ellen Torde­sil­las sa magig­ing boto ng mga Senador pag­dat­ing sa pagha­tol sa impeach­ment ni Ombuds­man Mer­cid­i­tas Gutierrez:

Pito lang ang maa-​asahan sig­u­rado ng Malacañang. Walo kung makak­a­ba­lik si Lacson.

Kaya maha­laga na malakas ang kaso ng mga nagreklamo laban kay Gutier­rez at dapat sundan ito maigi ng taum­bayan. Kung hindi, malili­bre si Gutier­rez, libre na rin si Maj. Gen. Carlos Garcia at tatawa lang ng malakas si Gloria Arroyo.

Pito hang­gang walong boto lang ang makukuha ng Mala­canang para ma-​convict si Merci.

Ang iba sa 22 Senador ngayon ay kakampi kay Merci dahil sa kakampi sila ni Gloria o kaya ay hindi lang talaga nila maka­sundo si PNoy.

Kahit pa sabi­hing gina­ga­pang ng mga maim­pluwen­syang grupo ang mga Kon­gre­sista para harangan ang pag­pa­padala ng Impeach­ment sa Senado mula sa Kamara, tiyak naman na masusunod ang kagus­tuhan ng Mala­canang na ipa-​impeach si Merci.

Shempre, sinong Kon­gre­sista nga naman ang gus­tong mawalan ng Pork Barrel?

Pero iba ang laro sa Senado dahil kasaysayan na ng insti­tusy­ong ito ang magka­roon ng sar­il­ing diskarte at kadalasan ay tali­was pa sa nakaupong Pangulo.

Kung Pork Barrel ang susi para mapa­sunod ang mga Kon­gre­sista, ang isa sa epek­ti­bong paraan naman sa mga Senador ay opinyon ng publiko.

Kung makikita ng mga Senador na gusto talaga ng taum­bayan na ma-​impeach si Merci, lalakas ang posi­bil­i­dad na makinig ang mga ito upang hindi masira sa mata ng publiko.

Ito ang bagay na pinaka-​ayaw nila lalo't ilang taon na lang ay eleksyon na muli. Mas madal­ing maim­pluwen­sya­han ng mga PR oper­a­tives ng Mala­canang ang taum­bayan sa pangkala­hatan kesa sa suyuin ang bawat dis­trito ng mga probinsya.

Kapag nakapag-​organisa sila ng sapat na dami ng bilang ng mga tao para iparat­ing sa Senado na dapat ma-​impeach si Merci, lalabo ang tsansang pagtawanan lang tayong lahat ni GMA.